2140 حضرت ربعی بیان کرتے ہیں نبی اکرم (صلی اللہ علیہ وآلہ وسلم) نے ارشاد فرمایا اسے (پہلی کے چاند کو دیکھ کر) روزے رکھو اور اسے دیکھ کر ہی عیدالفطر کرو اور اگر بادل چھائے ہوں تو شعبان کے تیس دن کی گنتی پوری کرو ‘ پھر روزے رکھنے شروع کرو ‘ اور اگر (رمضان کے آخری دن) بادل چھائے ہوں تو رمضان کے تیس دن پورے کرو اور پھر روزے رکھنے ختم کرو۔ سوائے اس صورت کے کہ تم اس سے پہلے ہی چاند دیکھ لو (یعنی انتیس دن گزرنے کے بعد ہی چاند دیکھ لو) ۔ یہی روایت بعض دیگر اسناد کے ہمراہ بھی منقول ہے۔
(ایک اور روایت کے مطابق حضرت ربعی نے اسے ایک صحابی سے نقل کیا ہے ) مہینہ (شروع ہونے سے پہلے ہی روزے رکھنے شروع نہ کرو) جب تک تم پہلی کا چاند نہیں دیکھ لیتے ‘ اس سے پہلے (تم تیس کی گنتی پوری نہیں کرلیتے) روزے رکھنے شروع کرو اور (تیس کی گنتی نہ پوری کرلوتوروزے رکھنے بندنہ کرو) ۔