2151 حضرت ابوہریرہ (رض) بیان کرتے ہیں مہینہ بعض اوقات انتیس دن کا بھی ہوتا ہے ‘ اس لیے تم روزے رکھنے اس وقت تک شروع نہ کرلو ‘ جب تک تم چاند دیکھ نہ لو اور روزے رکھنے اس وقت تک بندنہ کرو جب تک اسے نہ دیکھ لو اور اگر بادل چھائے ہوں توتیس کی تعداد پوری کرلو ‘ تمہاری عیدالفطر اس دن ہوگی جب سب لوگ عیدالفطرکریں گے اور عیدالاضحی اس دن ہوگی جب سب لوگ عیدالاضحی کریں گے۔ عرفہ سارے کا ساراوقوف کرنے کی جگہ ہے ‘ منی سارے کا سارا قربانی کرنے کی جگہ ہے اور مکہ کی ہرگلی قربانی کرنے کی جگہ ہے۔
حماد بن زید نے اس روایت کو ایوب کے حوالے سے نقل کیا ہے اور اسے نبی اکرم (صلی اللہ علیہ وآلہ وسلم) تک مرفوع روایت کے طورپرنقل کیا ہے۔