2170 شقیق بن سلمہ بیان کرتے ہیں ہمارے پاس حضرت عمر (رض) کا خط آیا ‘ ہم اس وقت خانقین میں موجود تھے ‘ حضرت عمر (رض) نے اپنے خط میں یہ فرمایا تھا چاند بعض اوقات چھوٹابڑا ہوتا ہے تو جب تم دن کے وقت چاند دیکھو تو عیدالفطر اس وقت تک نہ کروجب تک دو آدمی گواہی نہ دیں۔ اس روایت کو شعبہ نے اعمش کے حوالے سے نقل کیا ہے۔
حضرت عمر (رض) نے فرمایا تھا جب تم دن کے ابتدائی حصے میں پہلی کا چاند دیکھ لو ‘ تو عیدا س وقت تک نہ کروجب تک دو آدمی گواہی نہ دیں کہ انھوں نے گزشتہ رات چاند دیکھ لیا تھا۔ یہ روایت ابن ابی لیلیٰ کی روایت کے مقابلے میں زیادہ مستند ہے۔