2172 ابن ابی لیلیٰ بیان کرتے ہیں میں حضرت عمر (رض) کے پاس موجود تھا ‘ آپ کے پاس ایک سوار آیا اور اس نے بتایا اس نے پہلی کا چاند دیکھ لیا ہے تو حضرت عمر (رض) نے لوگوں کو یہ ہدایت کی کہ وہ عیدالفطر کریں۔
محمد بن علی بیان کرتے ہیں میں نے ابونعیم سے دریافت کیا کیا ابن ابی لیلیٰ نے حضرت عمر (رض) سے حدیث کا بیان کیا ہے ‘ تو انھوں نے جواب دیا مجھے نہیں معلوم۔
محمد بن علی بیان کرتے ہیں میں نے یحییٰ بن معین سے دریافت کیا کیا ابن لیلیٰ نے حضرت عمر (رض) سے حدیث کا سماع کیا ہے ‘ تو انھوں نے اسے درست قرار نہیں دیا۔ عبدالاعلیٰ نامی راوی عبدالاعلیٰ بن ثعلبی ہیں ‘ جو مستند نہیں ہیں۔
ابو وائل کی روایت سند کے اعتبار سے زیادہ مستند ہے ‘ جسے اعمش اور منصور نے ابو وائل کے حوالے سے نقل کیا ہے۔