2183 ابوبحتری بیان کرتے ہیں ہم لوگ عمرہ کرنے کے لیے روانہ ہوئے ‘ جب ہم نے بطن نخلہ میں پڑاؤ کیا تو ہم چاند دیکھ لیا ‘ بعض نے کہا یہ دوسری کا چاند ہے اور بعض نے کہا یہ تیسری کا چاند ہے۔ پھر ہماری ملاقات حضرت عبداللہ بن عباس (رض) سے ہوئی ‘ ہم نے انھیں بتایا ہم نے چاند دیکھا تھا ‘ بعض نے کہا دوسری رات کا چاند ہے اور بعض نے کہا تیسری رات کا چاند ہے ‘ انھوں نے کہا تم نے کس رات میں اسے دیکھا تھا ‘ تو ہم نے کہا فلاں رات کو ‘ تو انھوں نے فرمایا یہ اسی رات کا جس رات میں تم نے دیکھا تھا کیونکہ نبی اکرم (صلی اللہ علیہ وآلہ وسلم) نے اس کے حکم کو دیکھنے کے ساتھ مشروط قراردیا ہے۔ یہ روایت مستند ہے۔