2195 سیدہ ام ہانی (رض) بیان کرتی ہیں نبی اکرم (صلی اللہ علیہ وآلہ وسلم) کے سامنے مشروب لایا گیا ‘ آپ نے اسے نوش فرمایا اور مجھے پینے کے لیے دیا تو میں نے بھی پی لیا ‘ میں نے عرض کی یارسول اللہ ! میں نے توروزہ رکھا ہوا تھا ‘ تو نبی اکرم (صلی اللہ علیہ وآلہ وسلم) نے ارشاد فرمایا نفلی روزہ رکھنے والا شخص اپنی مرضی کے بارے میں (امین) ہوتا ہے (راوی کو شک ہے ‘ شاید یہ الفاظ کہے ) امیر ہوتا ہے (یعنی اپنی مرضی کا مالک ہوتا ہے) یعنی اگر چاہے تو روزہ برقرار رکھے اور اگر چاہے تو توڑے۔
شعبہ بیان کرتے ہیں میں نے دریافت کیا آپ نے یہ روایت سیدہ ام ہانی سے سنی ہے ؟ تو انھوں نے کہا نہیں ! یہ روایت ہمارے گھروالوں نے اور ابوصالح نے بیان کی ہے۔ شعبہ نامی راوی بیان کرتے ہیں میں نے سماک سے سنا ‘ وہ فرماتے ہیں میں نے جعدہ کے صاحبزادوں میں سے زیادہ فضیلت والے شخص سے ملاقات کی تو انھوں نے مجھے یہ حدیث سنائی۔