2206 عون بن ابوحجیفہ اپنے والد کے حوالے سے یہ بات نقل کرتے ہیں نبی اکرم (صلی اللہ علیہ وآلہ وسلم) نے حضرت سلیمان فارسی اور حضرت ابودرداء (رض) کو ایک دوسرے کا (منہ بولابھائی) بنادیا۔ راوی بیان کرتے ہیں ایک مرتبہ حضرت سلیمان حضرت ابودرداء سے ملنے کے لیے آئے توسیدہ ام درداء کو خراب حالت میں دیکھا تو دریافت کیا آپ کو کیا ہوا ہے ؟ انھوں جواب دیا آپ کے بھائی رات بھرنفل پڑھتے رہتے ہیں ‘ دن کے وقت روزہ رکھتے ہیں ‘ انھیں دنیا کی اور بیوی کی کوئی ضرورت نہیں ہے ‘ پھر حضرت ابودرداء (رض) تشریف لے آئے ‘ انھوں نے حضرت سلیمان رضی الہ عنہ کو خوش آمدید کہا اور ان آگے کھانارکھاتو حضرت سلیمان (رض) نے ان سے کہا آپ بھی کھایئے ‘ انھوں نے جواب دیا میں نے روزہ رکھا ہو حضرت سلمان (رض) نے کہا میں آپ کو قسم دیتا ہوں کہ آپ روزہ توڑدیں ‘ حضرت سلمان (رض) نے یہ بھی کہا میں اس وقت تک نہیں کھاؤں گا جب تک آپ نہیں کھائیں گے ‘ تو حضرت ابودرداء (رض) نے ان کے ساتھ کھانا کھالیاحضرت سلمان (رض) رات کے وقت ان کے ہاں گئے۔ جب رات کا وقت ہوا تو حضرت ابودرداء (رض) نے ارا ٤١٠ کہ وہ نوافل ادا کرنے شروع کریں ‘ تو حضرت سلمان نے انھیں روک دیا اور ان سے کہا کہ آپ کے جسم کا بھی آپ پر حق ہے آپ کے پروردگار کا بھی آپ پر حق ہے ‘ آپ کی بیوی کا بھی آپ پر حق ہے ‘ آپ نفلی روزہ رکھیں بھی اور کسی دن چھوڑ بھی دیں ‘(نفلی نماز) ادا بھی کریں اور سو بھی جایا کریں ‘ اپنی اہلیہ کے پاس بھی جایاکریں ‘ ہر حقدار کو اس کا حق دیا کریں۔ جب صبح کا وقت قریب آیاتوحضرت سلمان (رض) نے کہا اب آپ اٹھیں ‘ اگر آپ (نوافل اداکرناچا ہیں) یہ دونوں حضرات اٹھے ‘ انھوں نے نوافل اداکیے ‘ پھر (فجر کی نماز) ادا کرنے کے لیے چلے گئے۔ حضرت ابودرداء (رض) ‘ نبی اکرم (صلی اللہ علیہ وآلہ وسلم) کے پاس آئے تاکہ آپ کو اس چیز کے بارے میں بتائیں جو حضرت سلمان (رض) نے ان سے کہا تھا ‘ تو نبی اکرم (صلی اللہ علیہ وآلہ وسلم) نے ان سے فرمایا اے ابودرداء ! تمہارے جسم کا بھی تم پر حق ہے ‘ آپ نے وہی بات ارشاد فرمائی جو حضرت سلمان نے ارشاد فرمائی تھی۔ روایت کے یہ الفاظ ابوطالب نامی راوی کے ہیں۔