2306 حضرت عبداللہ بن عباس (رض) بیان کرتے ہیں ایک شخص نبی اکرم (صلی اللہ علیہ وآلہ وسلم) کی خدمت میں حاضرہوا ‘ اس نے عرض کی میری والدہ کا انتقال ہوگیا ہے اور ان کے ذمے ایک ماہ کے روزے لازم تھے ‘ کیا میں ان کی طرف سے انھیں ادا کرلوں ؟ تو نبی اکرم (صلی اللہ علیہ وآلہ وسلم) نے فرمایا اگر تمہاری والدہ کے ذمے قرض ہوتا تو کیا تم ان کی طرف سے ادا کردیتے ؟ اس نے عرض کی جی ہاں ! نبی اکرم (صلی اللہ علیہ وآلہ وسلم) نے ارشاد فرمایا تو اللہ تعالیٰ کا قرض اس بات کا زیادہ حقدار ہے ‘ کہ اسے ادا کیا جائے۔ یہی روایت بعض دیگراسناد کے ہمراہ بھی منقول ہے۔