2309 عطاء بیان کرتے ہیں حضرت ابوہریرہ (رض) نے ایک ایسے شخص کے بارے میں فرمایا تھا جو رمضان میں بیمارہوا تھا اور بعد میں تندرست ہوگیا تھا ‘ اس نے (ابتدائی حصے میں) روزے نہیں رکھے تھے ‘ یہاں تک کہ آخری حصے میں اسے روزے رکھنے کا موقع ملاتوحضرت ابوہریرہ (رض) نے یہ فرمایا تھا جس حصے میں وہ روزے رکھ سکتا ہے وہ روزے رکھے اور ابتدائی جس حصے میں اس نے روزے نہیں رکھے ‘ ہر ایک دن کے عوض میں گندم کا ایک صاع ایک مسکین کو دیدے گا اور جب وہ اس سے فارغ ہوگا ‘ تو اس دن کا روزہ رکھے گا جس دن کے بارے میں اس نے کوتاہی کی تھی۔ اس کی سند صحیح موقوف ہے۔