2329 عروہ بن زبیر اور سعید بن مسیب نے یہ بات بیان کی ہے سیدہ عائشہ صدیقہ (رض) نے انھیں یہ بتایا ہے ‘ نبی اکرم (صلی اللہ علیہ وآلہ وسلم) رمضان کے مہینے میں آخری عشرے میں اعتکاف کیا کرتے تھے ‘ یہاں تک کہ اللہ تعالیٰ نے آپ کو وفات دے دی ‘ آپ کے بعد آپ کی ازواج نے بھی ان دونوں میں اعتکاف کیا اور اعتکاف کرنے والے شخص کے لیے سنت یہ ہے صرف قضائے حاجت کے لیے (اعتکاف کی جگہ سے) باہرنکلے گا ‘ وہ جنازے میں شریک نہیں ہوگا ‘ مریض کی عیادت کے لیے نہیں جائے گا ‘ وہ عورت کو چھوئے گا نہیں اور اس کے ساتھ مباشرت نہیں کرے گا ‘ اور اعتکاف صرف اس مسجد میں ہوسکتا ہے جہاں باجماعت نماز ہوتی ہے اور اعتکاف کرنے والے شخص کو یہ حکم دیا جائے گا کہ وہ روزہ بھی رکھے۔ ایک قول کے مطابق اس روایت کے یہ الفاظ ہیں اعتکاف کرنے والے شخص کے لیے سنت یہ ہے۔ اس کے بعد سے لے کر روایت کے آخرتک کا حصہ نبی اکرم (صلی اللہ علیہ وآلہ وسلم) کا فرمان نہیں ہے ‘ بلکہ (اس روایت کے راوی) زہری کا کلام ہے ‘ جنہوں نے اسے حدیث میں ہی درج کردیا ہے جس کی وجہ سے یہ وہم ہوا ہے ‘ باقی اللہ بہتر جانتا ہے ہشام بن سلیمان نامی راوی نے اس کا تذکرہ نہیں کیا ہے۔