2366 ۔ حضرت ابوہریرہ (رض) بیان کرتے ہیں : ایک شخص نبی کریم (صلی اللہ علیہ وآلہ وسلم) کی خدمت میں حاضر ہوا اس نے عرض کی، میں نے رمضان (روزے کے دوران) اپنی بیوی کے ساتھ صحبت کرلی ہے۔ نبی کریم (صلی اللہ علیہ وآلہ وسلم) نے فرمایا تم ایک غلام آزاد کردو ، اس نے عرض کی، وہ میرے پاس نہیں ہے ، آپ نے فرمایا دو ماہ مسلسل روزے رکھو، اس نے عرض کی، میں اس کی استطاعت نہیں رکھتا۔ نبی کریم (صلی اللہ علیہ وآلہ وسلم) نے فرمایا ساٹھ مسکینوں کو کھانا کھلاؤ، اس نے عرض کی میں یہ بھی نہیں کرسکتا۔
راوی بیان کرتے ہیں ، نبی کریم (صلی اللہ علیہ وآلہ وسلم) کے پاس پندرہ صاع کھجوروں کا ٹوکرا لایا گیا تو آپ نے فرمایا اسے لو اور اپنی طرف سے کھلا دو، اس نے عرض کی ، یارسول اللہ پورے شہر میں اس کی سب سے زیادہ ضرورت ہمیں ہے ، نبی کریم (صلی اللہ علیہ وآلہ وسلم) نے فرمایا تم اپنے گھر والوں کو کھلا دو۔
یہ الفاظ بکار نامی راوی کے ہیں اور محمد بن ابوحفصہ نامی راوی نے اسے نقل کرنے میں متابعت کی ہے۔