حضرت عبداللہ بن عباس (رض) ، حضرت عبداللہ بن مسعود (رض) کا یہ بیان نقل کرتے ہیں : جنات سے ملاقات (کی رات) انھوں نے نبی اکرم (صلی اللہ علیہ وآلہ وسلم) کو نبیذ کے ذریعے وضو کروایا تو نبی اکرم (صلی اللہ علیہ وآلہ وسلم) نے اس کے ذریعے وضو کرلیا، آپ نے فرمایا : یہ پینے کی چیز ہے اور پاک ہے۔
ابن لہیعہ نامی راوی مستند نہیں سمجھا جاتا۔ ایک قول یہ بھی ہے : حضرت عبداللہ بن مسعود (رض) جنات سے ملاقات کی رات نبی اکرم (صلی اللہ علیہ وآلہ وسلم) کے ساتھ موجود نہیں تھے۔ علقمہ بن قیس نے اسی طرح نقل کیا ہے۔
ابوعبیدہ بن عبداللہ اور دیگر راویوں نے حضرت عبداللہ بن مسعود (رض) کا یہ بیان نقل کیا ہے، وہ فرماتے ہیں : جنات سے ملاقات کی رات میں موجود نہیں تھا۔