2404 ابوعبیدہ بن حذیفہ بیان کرتے ہیں ایک صاحب نے یہ بات بیان کی ہے میں لوگوں سے حضرت عدی بن حاتم (رض) کی حدیث کے بارے میں دریافت کرتا رہا ‘ وہ میرے پہلو میں موجود تھے ‘ لیکن میں نے ان سے دریافت نہیں کیا کیا پھر میں ان کے پاس آیا تو انھوں نے بتایا اللہ تعالیٰ نے حضرت محمد (صلی اللہ علیہ وآلہ وسلم) کو مبعوث کیا ‘ میں آپ کو پسند نہیں کرتا تھا ‘ پھر میں نے سوچا کہ مجھے ان کی خدمت میں جاکران کی بات سننی چاہیے ‘ میں آپ کی خدمت میں حاضر ہوا تو آپ نے مجھے سے فرمایا عدی بن حاتم ! تم اسلام قبول کرلو ‘ تم سلامت رہوگے۔
اس کے بعد انھوں نے پوری حدیث ذکر کی ہے ‘ جس میں یہ الفاظ ہیں نبی اکرم (صلی اللہ علیہ وآلہ وسلم) نے مجھ سے یہ فرمایا عنقریب کوئی عورت ” حیرۃ “ (نامی جگہ) سے روانہ ہوگی ‘ یہاں تک کہ وہ کسی کی پناہ میں آئے ‘ بغیر ‘ بیت اللہ کا طواف کرے گی۔ یہ روایت متصل ہے اور اس کے تمام راوی ثقہ ہیں۔