عمرو بن مرہ بیان کرتے ہیں : میں نے ابوعبیدہ سے دریافت کیا : حضرت عبداللہ بن مسعود (رض) جنات سے ملاقات کی رات موجود تھے ؟ تو انھوں نے جواب دیا : نہیں !
ایک اور روایت میں یہ بات منقول ہے : حضرت عبداللہ بن مسعود (رض) فرماتے ہیں : جنات سے ملاقات کی رات نبی اکرم (صلی اللہ علیہ وآلہ وسلم) نے ان سے دریافت کیا : کیا تمہارے پاس پانی ہے ؟ تو انھوں نے عرض کی : نہیں ! آپ نے پھر دریافت کیا : کیا تمہارے پاس نبیذ ہے۔ راوی کہتے ہیں : میرا خیال ہے، روایت میں یہ الفاظ ہیں۔ حضرت عبداللہ بن مسعود (رض) نے جواب دیا : جی ہاں ! پھر نبی اکرم (صلی اللہ علیہ وآلہ وسلم) نے اس نبیذ کے ذریعے وضو کرلیا۔ امام دار قطنی (رح) بیان کرتے ہیں : یہ روایت دو حوالوں سے ثابت نہیں ہے، اس کو میں پہلے ذکر کرچکا ہوں۔