2439 حضرت ابن عباس (رض) بیان کرتے ہیں نبی اکرم (صلی اللہ علیہ وآلہ وسلم) نے یہ بات ارشاد فرمائی ہے ” جس شخص کے پاس تہبند نہ ہو ‘ وہ شلوار پہن لے اور جس شخص کے پاس جوتے نہ ہوں ‘ وہ موزے پہن لے “۔ حضرت عبداللہ بن عمر (رض) بیان کرتے ہیں ایک شخص نے مسجد میں بلند آواز میں دریافت کیا حالت احرام والاشخص کون سے کپڑوں کو ترک کرے ؟ (امام دارقطنی بیان کرتے ہیں ) یہ اس بات پر دلالت کرتی ہے ‘ یہ بات احرام باندھنے سے قبل مدینہ منورہ کی ہے۔
جبکہ دیگرراویوں نے حضرت عبداللہ بن عباس (رض) کے حوالے سے جو روایت نقل کی ہے ‘ اس میں اس بات کا تذکرہ ہے ‘ حضرت عبداللہ بن عباس (رض) نے نبی اکرم (صلی اللہ علیہ وآلہ وسلم) کو خطبہ دیتے ہوئے وہ بات ارشاد فرماتے ہوئے سنی تھی ‘ لہٰذایہ حدیث حضرت عبداللہ بن عمر (رض) کی نقل کردہ حدیث کے بعد کی ہوگی۔