2539 حضرت عبداللہ بن عمرو (رض) بیان کرتے ہیں قربانی کے دن نبی اکرم (صلی اللہ علیہ وآلہ وسلم) خطبہ دے رہے تھے ‘ ایک شخص آپ کے سامنے کھڑا ہوا ‘ اس نے عرض کی میں یہ سمجھتا تھا ‘ فلاں اور فلاں کام ‘ فلاں اور فلاں کام سے پہلے ہیں ‘ پھرا یک اور شخص کھڑا ہوا اور اس نے عرض کی یارسول اللہ ! میں سمجھتا تھا ‘ فلاں کام ان تین کاموں سے پہلے ہے ‘ نبی اکرم (صلی اللہ علیہ وآلہ وسلم) نے ارشاد فرمایا تم اب کرلو ‘ کوئی حرج نہیں ہے۔
(راوی کہتے ہیں ) اس دن نبی اکرم (صلی اللہ علیہ وآلہ وسلم) سے جس چیز کے بارے میں بھی دریافت کیا گیا ‘ آپ نے یہی فرمایا اب کرلو کوئی حرج نہیں ہے۔ ابوبکرنامی راوی نے یہ بات بیان کی ہے ‘ صرف ابن جریج نے زہری کے حوالے سے جو روایت نقل کی ہے ‘ اس میں یہ الفاظ ہیں ” نبی اکرم (صلی اللہ علیہ وآلہ وسلم) خطبہ دے رہے تھے “۔ یہ روایت حسن ہے۔