2542 حضرت عبداللہ بن عباس (رض) بیان کرتے ہیں ایک شخص نبی اکرم (صلی اللہ علیہ وآلہ وسلم) کی خدمت میں حاضرہوا ‘ اس نے عوض کی یارسول اللہ ! میں نے رمی کرنے سے پہلے طواف زیارت کرلیا ہے ‘ نبی اکرم (صلی اللہ علیہ وآلہ وسلم) نے ارشاد فرمایا تم اب کنکریاں مارلو ‘ کوئی حرج نہیں ہے ‘ ایک شخص نے عرض کی یارسول اللہ ! میں نے رمی کرنے سے پہلے سرمنڈوالیا ہے ‘ نبی اکرم (صلی اللہ علیہ وآلہ وسلم) نے فرمایا تم اگر رمی کرلو کوئی حرج نہیں ہے۔ ایک شخص نے عرض کی میں نے رمی کرنے سے پہلے قربانی کرلی ہے ‘ نبی اکرم (صلی اللہ علیہ وآلہ وسلم) نے فرمایا کوئی حرج نہیں ‘ تم اب رمی کرلو۔