2612 حضرت عبداللہ بن عباس (رض) بیان کرتے ہیں نبی اکرم (صلی اللہ علیہ وآلہ وسلم) نے ایک شخص کوسنا جو یہ کہہ رہا تھا میں شبرمہ کی طرف سے حاضرہوں ‘ نبی اکرم (صلی اللہ علیہ وآلہ وسلم) نے اس سے دریافت کیا شبرمہ کون ہے ؟ اس نے جواب دیا میرا بھائی ہے ‘ نبی اکرم (صلی اللہ علیہ وآلہ وسلم) نے دریافت کیا کیا تم حج کرچکے ہو ؟ تو اس نے عرض کی نہیں ! نبی اکرم (صلی اللہ علیہ وآلہ وسلم) نے فرمایا تم اپنی طرف سے حج کرو ‘ اس کے بعد شبرمہ کی طرف سے حج کرنا۔
حضرت عبداللہ بن عباس (رض) سے منقول یہ روایت درست ہے ‘ اس سے پہلے منقول روایت وہم ہے۔ یہ بات بیان کی گئی ہے ‘ حسن بن عمارہ نامی راوی نے اسے نقل کیا ہے اور پھر اس کے بعداس سے رجوع کرلیا تھا ‘ اور صحیح روایت نقل کرنا شروع کردی تھی جو دیگرراویوں کی نقل کردہ روایت کے مطابق ہے ‘ جو حضرت عبداللہ بن عباس (رض) سے منقول ہے ‘ ویسے یہ شخص ہر حال میں متروک الحدیث ہے۔