2621 حضرت عبداللہ بن عباس (رض) بیان کرتے ہیں نبی اکرم (صلی اللہ علیہ وآلہ وسلم) نے ایک شخص کو یہ کہتے ہوئے سنا میں شبرمہ کی طرف سے حاضرہوں ‘ نبی اکرم (صلی اللہ علیہ وآلہ وسلم) نے دریافت کیا شبرمہ کون ہے ؟ اس نے جواب دیا میرا بھائی ہے (راوی کو شک ہے شایدیہ الفاظ ہیں ) اس نے اپنی رشتہ داری کا ذکر کیا ‘ تو نبی اکرم (صلی اللہ علیہ وآلہ وسلم) نے فرمایا کیا تم حج کرچکے ہو ؟ تو اس نے عرض کی نہیں نبی اکرم (صلی اللہ علیہ وآلہ وسلم) نے فرمایا پھر اسے اپنی طرف سے کرو اور بعد میں شبرمہ کی طرف سے حج کرلینا۔