2654 ۔ طاؤس بیان کرتے ہیں میں حضرت عبداللہ بن عمر (رض) کے پاس بیٹھا ہوا تھا ان سے اس بارے میں دریافت کیا گیا یعنی حیض والی عورت کے واپس جانے کے بارے میں دریافت کیا گیا تو انھوں نے فرمایا وہ وہیں ٹھہری رہیں گی جب تک وہ آخری مرتبہ بیت اللہ کا طواف نہیں کرلیتی، توطاؤس نے بیان کیا مجھے نہیں معلوم کہ حضرت عبداللہ بن عمر (رض) اس روایت کو بھول گئے یا انھوں نے اس روایت کو سناہی نہیں جوان کے دوسرے ساتھیوں نے سنا تھا، اس کے بعد ایک یادوسال بعد میں ان کے پاس موجود تھا ان سے اس بارے میں دریافت کیا گیا تو انھوں نے بتایا مجھے یہ بات بیان کی گئی ہے ان خواتین کو اس بات کی اجازت دی گئی ہے (وہ طواف وداع کیے بغیر واپس جاسکتی ہیں) ۔