حمران بیان کرتے ہیں : انھوں نے حضرت عثمان غنی (رض) کو سنا، حضرت عثمان غنی (رض) نے فرمایا : آپ لوگ آگے آئیں، میں نبی اکرم (صلی اللہ علیہ وآلہ وسلم) کے طریقے کے مطابق وضو کرکے آپ لوگوں کو دکھاؤں، پھر حضرت عثمان (رض) نے اپنے چہرے کو دھویا، بازؤ وں کو کہنیوں تک دھویا، یہاں تک کہ انھوں نے اپنے کندھوں کے کناروں تک کو چھو لیا، پھر انھوں نے اپنے سر کا مسح کیا، اور دونوں ہاتھ کانوں اور داڑھی پر سے گزارے اور پھر دونوں پاؤں کو دھولیا۔