2719 ۔ ابوامامہ تیمی بیان کرتے ہیں میں نے حضرت عبداللہ بن عمر (رض) سے کہا ہم لوگ (حاجیوں کو جانور) کرائے پر دیتے ہیں تو کیا ہمارا حج ہوجائے گا ؟ تو حضرت عبداللہ بن عمر (رض) نے فرمایا کیا تم لوگ بیت اللہ کا طواف نہیں کرتے ، میدان عرفات میں نہیں جاتے، جمرات کو کنکریاں نہیں مارتے ، اپنا سر نہیں منڈواتے ہم نے جواب دیا جی ہاں ! تو حضرت عبداللہ بن عمر (رض) نے فرمایا ایک شخص نبی کریم (صلی اللہ علیہ وآلہ وسلم) کی خدمت میں حاضر ہوا اور آپ (صلی اللہ علیہ وآلہ وسلم) سے اسی چیز کے بارے میں دریافت کیا جو آپ نے مجھ سے سوال کیا ہے تو نبی کریم (صلی اللہ علیہ وآلہ وسلم) نے اسے کوئی جواب نہیں دیا یہاں تک جبرائیل یہ آیت لے کر نازل ہوئے۔
'' تم پر کوئی گناہ نہیں ہے اگر تم اپنے پروردگار کا فضل تلاش کرتے ہو '' تو نبی کریم (صلی اللہ علیہ وآلہ وسلم) نے ارشاد فرمایا تم لوگ حاجی ہو۔