2743 ۔ حضرت کعب بن عجرہ (رض) بیان کرتے ہیں نبی کریم (صلی اللہ علیہ وآلہ وسلم) نے انھیں دیکھا کہ ان کی جوئیں ان کے چہرے پر گررہی تھیں، یہ حدیبیہ کے مقام کی بات ہے ، نبی کریم (صلی اللہ علیہ وآلہ وسلم) نے ان سے دریافت کیا ، کیا تمہاری جوئیں تمہیں تنگ کررہی ہیں انھوں نے عرض کی جی ہاں ! تو نبی کریم (صلی اللہ علیہ وآلہ وسلم) نے انھیں یہ حکم دیا کہ وہ سرمنڈوالیں حالانکہ وہ اس وقت حدیبیہ کے مقام پر موجود تھے اور نبی نے ابھی لوگوں کے سامنے یہ بات بیان نہیں کی تھی کہ وہ یہیں احرام کھول لیں گے چونکہ لوگ تو یہ چاہتے تھے کہ وہ مکہ میں داخل ہوں تو اللہ نے فدیہ کا حکم نازل کیا تو نبی کریم (صلی اللہ علیہ وآلہ وسلم) نے انھیں یہ ہدایت کی کہ وہ ایک ، فرق، چھ غریبوں کے درمیان تقسیم کردیں یا ایک بکری کی قربانی کریں یاتین دن روزے رکھ لیں۔