2747 ۔ حضرت کعب بن عجرہ (رض) بیان کرتے ہیں نبی کریم (صلی اللہ علیہ وآلہ وسلم) ان کے پاس سے گزرے ان کے بال بڑے تھے ان کے بالوں کی جڑوں میں اور ان کے اوپروالے حصے میں جوئیں تھیں نبی کریم (صلی اللہ علیہ وآلہ وسلم) نے ان سے فرمایا تم اس تکلیف میں ہو، کیا تمہارے ساتھ قربانی کا جانور ہے ؟ انھوں نے عرض کیا نہیں ! نبی نے فرمایا پھر اگر تم چاہو تو تین دن روزے رکھ لو یاتین صاع کھجوریں (غریبوں کو) کھلادو ہر ایک مسکین کو ایک صاع دو۔