2788 ۔ حضرت عروہ بن ابوالجعد بیان کرتے ہیں نبی کریم (صلی اللہ علیہ وآلہ وسلم) کو سوداگروں کے قافلے کے بارے میں پتہ چلا تو آپ نے مجھے ایک دینار دیا آپ نے فرمایا اے عروہ ان سوداگروں کے پاس جاؤ اور ان سے ایک دینار کی قیمت میں ایک بکری لے آؤ۔ راوی کہتے ہیں میں ان سوداگروں کے پاس گیا اور ایک دینار کے عوض میں دو بکریاں خرید لیں پھر میں انھیں ہانک کر لارہا تھا (چلاکرلارہا تھا) تو راستے میں ایک شخص مجھے ملا اس نے مجھ سے سودا کیا تو میں ان دو میں سے ایک بکری کو ایک دینار میں فروخت کردیا، پھر میں اک بکری اور ایک دینار لے آیا اور رسول اللہ کے پاس آیا اور کہا کہ یارسول اللہ یہ آپ کی بکری ہے اور یہ آپ کا دینار ہے تو نبی نے دریافت کیا تم نے یہ کیا کیا ہے ؟ تو میں نے نبی کریم (صلی اللہ علیہ وآلہ وسلم) کو پوراواقعہ سنادیا آپ نے ارشاد فرمایا، اے اللہ اس کے سودے میں برکت دے۔
راوی کہتے ہیں مجھے اپنے بارے میں یہ بات اچھی طرح یاد ہے میں کوفہ کے بازار میں کھڑا ہوتا اور اپنے گھر میں واپس آنے سے پہلے چالیس ہزار کمالیتا تھا۔