2812 ۔ حضرت ابوسعید خدری (رض) اور حضرت ابوہریرہ (رض) بیان کرتے ہیں نبی کریم (صلی اللہ علیہ وآلہ وسلم) نے حضرت سواد بن غزیہ جو بنی عدی سے تعلق رکھتے ہیں انھیں بھیجا نبی کریم (صلی اللہ علیہ وآلہ وسلم) نے انھیں خیبر کا نگران مقرر کیا وہاں سے عمدہ کھجوریں لے کر آتے تھے۔ نبی کریم (صلی اللہ علیہ وآلہ وسلم) نے ارشاد فرمایا کیا خیبر کی تمام کھجوریں اسی طرح کی ہوتی ہیں۔ ؟ انھوں نے عرض کی نہیں، یارسول اللہ ، اللہ کی قسم میں نے دوصاع کے عوض میں صاع اور تین صاع کے عوض میں دوصاع اچھی کھجوریں خریدی ہیں۔ نبی کریم (صلی اللہ علیہ وآلہ وسلم) نے ارشاد فرمایا ایسانہ کرو بلکہ پہلے انھیں فروخت کرو پھر ان کی قیمت کے ذریعے انھیں (یعنی اچھی کھجوروں کو) خریدو۔ اسی طرح وزن کی جانے والی تمام چیزوں میں کرو۔
امام دار قطعنی رحمہ اللہ تعالیٰ فرماتے ہیں کھجور کی ہر وہ قسم جس کا کوئی نام متعین نہ ہو، اسے جمع کہا جاتا ہے ، جیسے فلاں کی زمین میں جمع (یعنی مختلف قسم کی کھجوریں) ہیں۔