2821 ۔ عبدالرحمن بن قیس اپنے والد کے حوالے سے اپنے دادا کا یہ پیغام نقل کرتے ہیں
حضرت اشعث بن قیس نے خمس کے غلاموں میں ایک غلام بیس ہزار درہم میں حضرت عبداللہ سے خرید لیا حضرت عبداللہ نے اس کی قیمت کے بارے میں یہ پیغام دیاتو انھوں نے کہا میں نے تو یہ دس ہزار درہم کے عوض لیا ہے تو عبداللہ نے کہا آپ کسی ایسے شخص کا نام لیں جو آپ میں اور مجھ میں فیصلہ کر اسکے۔ تو حضرت اشعث نے کہا میرے اور آپ کے درمیان آپ ہی فیصلہ کریں گے تو حضرت عبداللہ نے کہا میں نے نبی کریم (صلی اللہ علیہ وآلہ وسلم) کو یہ ارشاد فرماتے ہوئے سنا ہے جب سودا کرنے والے کے درمیان اختلاف ہوجائے اور ان میں کوئی ثبوت نہ ہو تو وہ قول معتبر ہوگا جو سامان کے مالک کا ہے یا دونوں اس سودے کو ترک کردیں۔