2823 ۔ عبدالرحمن اپنے والد کا یہ بیان نقل کرتے ہیں حضرت عبداللہ بن مسعود (رض) نے بیس ہزار کے عوض میں ایک سرکاری غلام کو فروخت کردیا، یعنی حضرت اشعث بن قیس کو وہ دس ہزار لے کر آئے توحضرت عبداللہ نے کہا میں نے توبیس ہزار کے عوض آپ کو فروخت کیا تھا، تواشعث نے کہا میں نے یہ دس ہزار کے عوض کیا ہے میں اس بارے میں آپ کے فیصلہ سے راضی ہوں۔ تو حضرت عبداللہ بن مسعود نے فرمایا اگر تم چاہو تو میں اس بارے میں نبی کریم (صلی اللہ علیہ وآلہ وسلم) کے حوالے سے منقول ایک حدیث تمہیں سناتاہوں انھوں نے کہا ٹھیک ہے۔ ابن مسعود نے فرمایا نبی کریم (صلی اللہ علیہ وآلہ وسلم) نے یہ بات ارشاد فرمائی ہے جب دو آدمی سودا کرتے ہیں اور دونوں کے پاس کوئی ثبوت نہ ہو تو اس بارے میں وہ قول متعبر ہوتا ہے جو فروخت کرنے والا کہتا ہے پھر وہ دونوں اس سودے کو ختم کردیں۔ تو حضرت اشعث نے کہا میں اس سودے کر ختم کرتا ہوں ۔