2840 ۔ حضرت عبادہ بن صامت (رض) بیان کرتے ہیں کہ نبی کریم (صلی اللہ علیہ وآلہ وسلم) نے یہ بات ارشاد فرمائی ہے سونے کو سونے کے عوض میں چاندی کو چاندی کے عوض میں کھجور کو کھجور کو کے عوض میں گندم کو گندم کے عوض میں جو کو جو کے عوض میں نمک کو نمک کے عوض میں صرف دست بدست برابر فروخت کیا جاسکتا ہے ، لیکن جب ان اصناف میں اختلاف ہوجائے تو تم جیسے چاہوفروخت کرو، اس وقت کہ جب یہ دست بدست لین دین ہو (یعنی ادھار کا سودانہ ہو) ۔