حضرت انس (رض) بیان کرتے ہیں : نبی اکرم (صلی اللہ علیہ وآلہ وسلم) نے فرمایا : جب مجھے ساتویں آسمان سے سدرۃ المنتہیٰ کی طرف بلند کیا گیا ، تو اس کے پھل ” ہجر “ کے مٹکوں کی طرح بڑے، بڑے تھے اور اس کے پتے ہاتھی کے کانوں کی طرح تھے، اس کی جڑ میں سے دو نہریں نکل رہی تھیں، جو ظاہری تھیں اور دو نہریں تھیں جو باطنی تھیں ، میں نے دریافت کیا : اے جبرائیل ! یہ کیا ہے ؟ تو انھوں نے بتایا : باطنی نہریں جنت میں ہیں اور ظاہری نہریں نیل اور فرات ہیں۔