2906 ۔ حضرت عبداللہ بن عمر (رض) سیدہ عائشہ صدیقہ کا یہ بیان نقل کرتے ہیں کہ ایک مرتبہ نبی کریم (صلی اللہ علیہ وآلہ وسلم) ایک سفر پر جارہے تھے کہ آپ نے ایک کھیت کو دیکھا جو لہلہا رہا تھا، آپ نے دریافت کیا یہ کھیت کس کا ہے تو لوگوں نے بتایا، یہ کھیت حضرت رافع بن خدیج کا ہے۔ نبی کریم نے انھیں بلوایا ، وہ نصف یا ایک تہائی پیداوار کے عوض میں زمین (کرائے پر) لیتے تھے نبی کریم نے فرمایا تم نے اس زمین میں جو خرچ کیا ہے اس کا حساب لگاؤ اور پھر زمین کے مالک سے اسے لے لو اور اس شخص کی زمین اور اس کا کھیت اس کے سپرد کردو۔