2963 ۔ عبداللہ بن زید بیان کرتے ہیں کہ شیخ ابوعیاش زید نے انھیں بتایا کہ ایک مرتبہ حضرت سعد (رض) سے گندم کی دو قسموں کے بارے میں پوچھا گیا تو حضرت سعد نے ان سے دریافت کیا ان دونوں میں سے کون سی قسم زیادہ بہتر ہے ؟ تو انھوں نے جواب دیا سفید والی تو حضرت سعد (رض) نے انھیں اس سے منع کردیا۔ حضرت سعد نے بتایا کہ میں نے نبی کریم (صلی اللہ علیہ وآلہ وسلم) کوسنا آپ سے خشک کھجور کے عوض میں تر کھجور کا سودا کرنے کے بارے میں دریافت کیا گیا تو آپ نے ارشاد فرمایا کیا کھجور جب خشک ہوجاتی ہے تو کم ہوجاتی ہے ؟ لوگوں نے جواب دیا جی ہاں ! تو نبی کریم نے اس سے منع فرمادیا۔