2969 ۔ یونس بن اسحاق اپنی والدہ عالیہ کا یہ بیان نقل کرتے ہیں میں اور ام قحبہ خاتون مکہ گئیں ہم سیدہ عائشہ صدیقہ کی خدمت میں حاضر ہوئیں ہم نے انھیں سلام کیا، انھوں نے ہم سے دریافت کیا آپ کون خواتین ہیں ؟ ہم نے جواب دیا، ہم کوفہ سے تعلق رکھتی ہیں اب عالیہ بیان کرتی ہیں توگویاسیدہ عائشہ نے ہماری طرف توجہ نہیں کی توام قحبہ نے ان سے کہا اے ام المومنین میری ایک کنیز ہے میں اسے حضرت زید بن ارقم انصاری (رض) سے آٹھ سو درہم کے عوض میں خریدا جب تک ان کی ادائیگی نہیں ہوتی پھر جب انھوں نے اس کنیز کو فروخت کرنے کا ارادہ کرلیاتو میں نے چھے سو درہم نقد کے عوض اسے خرید لیا۔
راوی خاتون بیان کرتی ہیں کہ سیدہ عائشہ ہمارے طرف متوجہ ہوئیں فرمایا تم نے بہت براسودا کیا ہے تم زید کو جاکر بتا دینا کہ انھوں نے نبی کریم (صلی اللہ علیہ وآلہ وسلم) کے ساتھ جو جہاد کیا تھا اسے خراب کرلیا ہے البتہ اگر وہ توبہ کرلیں تو حکم مختلف ہوگا، تو اس خاتون نے سیدہ عائشہ سے کہا، آپ کا کیا خیال ہے اگر میں ان سے اپنی اصل رقم وصول کرلوں توسیدہ عائشہ نے یہ آیت تلاوت کی۔
'' جس شخص کے پاس اس کے پروردگار کی طرف سے نصیحت آجائے اور وہ باز آجائے توجوپہلے ہوچکا ہے وہ اس کا ہوگا ''
شیخ بیان کرتے ہیں قحبہ اور عالیہ نامی خواتین مجہول ہیں ان کی روایت کو دلیل کے طور پر پیش نہیں کیا جاسکتا۔