3006 ۔ حضرت عبداللہ بن عباس (رض) بیان کرتے ہیں نبی کریم (صلی اللہ علیہ وآلہ وسلم) کے کچھ اصحاب کسی عرب قبیلے کے پاس سے گزرے جن کے ایک فرد کو (کسی زہریلے جانور نے ) کاٹ لیا ہے کیا تم میں سے کسی کو دم کرنا آتا ہے تو ان حضرات میں سے ایک صاحب چلے گئے انھوں نے سردار پر دم کیا اس شرط پر کہ بکریاں دی جائیں گی پھر وہ ان بکریوں کو ساتھ لے کر اپنے ساتھیوں کے پاس آئے تو انھوں نے دریافت کیا آپ نے کس چیز کے ذریعہ دم کیا تھا تو انھوں نے بتایا کہ میں نے سورة فاتحہ کے ذریعہ دم کیا تھا تو ان ساتھیوں نے کہا آپ نے اللہ کی کتاب کا معاوضہ وصول کیا ہے ؟ ان ساتھیوں نے اس میں سے کچھ بھی نہیں لیاجو انھیں معاوضے کے طور پر ملا تھا، جب یہ لوگ نبی کریم (صلی اللہ علیہ وآلہ وسلم) کی خدمت میں آئے تو انھوں نے آپ (صلی اللہ علیہ وآلہ وسلم) کو بتایا یارسول اللہ اس نے اللہ کی کتاب کا معاوضہ وصول کیا ہے تو ان صاحب نے بھی نبی کریم (صلی اللہ علیہ وآلہ وسلم) کو بتایا یارسول اللہ ہم ایک عرب قبیلے کے پاس سے گزرے جن کے ایک فرد کو (کسی زہریلے جانور نے) کاٹ لیا تھا میں گیا اور میں نے معاوضے کے طور پر بکریاں (وصول کرنے کی ) شرط پر اللہ کی کتاب پڑھ کر اس پر دم کردیا تو وہ ٹھیک ہوگیا، نبی کریم (صلی اللہ علیہ وآلہ وسلم) نے فرمایا تم جس چیز کا معاوضۃ وصول کرتے ہو ان میں سب سے زیادہ حق دار اللہ کی کتاب ہے۔
یہ حدیث صحیح ہے اسے امام بخاری نے سیدان بن مضارب کے حوالے سے ابومعشر سے نقل کیا ہے۔