3050 ۔ حضرت ابوسعید خدری (رض) بیان کرتے ہیں نبی کریم (صلی اللہ علیہ وآلہ وسلم) ایک جنازے میں شریک ہوئے جب اسے رکھا گیا تو بتایا گیا اس کے ذمہ قرض ہے نبی کریم (صلی اللہ علیہ وآلہ وسلم) پیچھے ہٹے تو حضرت علی نے عرض کی اے اللہ کے نبی میں اس کا ضامن ہوں قرض دینے میں۔ تو نبی نے فرمایا اے علی اللہ تمہاری ضرورتوں کو اسی طرح پورا کرے جس طرح تم نے اپنے ساتھی مسلمان بھائی کی ضرورت کو پورا کیا ہے۔ لوگوں نے عرض کی یارسول اللہ ، یہ حکم حضرت علی کے ساتھ مخصوص ہے یا تمام اہل ایمان کے لیے عام ہے ؟ نبی کریم (صلی اللہ علیہ وآلہ وسلم) نے فرمایا تمام اہل ایمان کے لیے عام ہے۔