3077 ۔ عمرو بن شعیب اپنے والد کے حوالے سے اپنے داداکایہ بیان نقل کرتے ہیں : ایک شخص نے دوسرے شخص کے گھٹنے میں تیرمارا، وہ شخص نبی کریم (صلی اللہ علیہ وآلہ وسلم) کی خدمت میں حاضر ہوا، اس نے عرض کی : یارسول اللہ آپ مجھے قصاص دلوائیں، نبی کریم (صلی اللہ علیہ وآلہ وسلم) نے فرمایا پہلے تم ٹھیک ہوجاؤ، پھر (ٹھیک ہونے کے بعد) وہ شخص آپ (صلی اللہ علیہ وآلہ وسلم) کی خدمت میں حاضر ہوا اس نے عرض کی، آپ مجھے قصاص دلوائیں، تو نبی کریم نے اسے قصاص دلوادیا۔ پھر وہ شخص آپ (صلی اللہ علیہ وآلہ وسلم) کی خدمت میں حاضڑ ہوا، اس نے عرض کیا یارسول اللہ میں لنگڑا ہوگیاہوں (تو آپ دوسرے فریق کو بھی زیادہ سزا دلوائیں) نبی کریم (صلی اللہ علیہ وآلہ وسلم) نے فرمایا : میں نے تمہیں منع کیا تھا، تم نے میری بات نہیں مانی، اللہ تعالیٰ تمہیں دور کرے تمہارا لنگڑا ہوناضائع گیا۔
(راوی بیان کرتے ہیں :) اس کے بعد نبی کریم (صلی اللہ علیہ وآلہ وسلم) نے اس بات سے منع کیا کہ زخمی کے ٹھیک ہونے سے پہلے اس کا قصاص لیا جائے۔