3095 ۔ طاؤس ، حضرت ابن عباس (رض) سے بیان کرتے ہیں : نبی کریم (صلی اللہ علیہ وآلہ وسلم) نے ارشاد فرمایا ہے : جو شخص غلطی سے مارا جائے یاپتھر سے مارا جائے یاعصا یالا تھی کے ذریعہ مارا جائے تو اس کی دیت قتل خطا کی دیت ہوگی، اور جس شخص کو قتل عمد کے طور پر قتل کیا جائے اس کا قصاص ہوگا، اس شخص اور اس کے قاتل کے درمیان حائل نہیں ہوا جائے گا جو اس شخص اور اس کے قاتل کے درمیان حائل ہوگا، اس پر اللہ تعالیٰ اس کے فرشتوں اور تمام انسانوں کی لعنت ہوگی، ایسے شخص کی کوئی فرض یانفلی عبادت قبول نہیں ہوگی۔