3103 ۔ طاؤس بیان کرتے ہیں : لڑائی کے دوران جس شخص کو عصا ، لاٹھی، یا پتھر مار کر قتل کردیا جائے اس کی دیت ادا کی جائے گی، اس کے بدلہ میں قتل نہیں کیا جائے گا، کیونکہ یہ پتہ نہیں ہے کہ اس کا قاتل کون ہے ؟۔
میں یہ کہتاہوں : کیا تم نے ہذیل قبیلہ سے تعلق رکھنے والی دوخواتین کے مقدمہ میں نبی کریم (صلی اللہ علیہ وآلہ وسلم) کا فیصلہ ملاحظہ نہیں کیا ان دو میں سے ایک خاتون نے دوسری کو لاٹھی مار کر قتل کردیا تھا، تو نبی کریم (صلی اللہ علیہ وآلہ وسلم) نے اس مقتول عورت کے بدلے میں قتل کرنے والی عورت کو قتل نہیں کروایا تھا، بلکہ آپ نے مقتول عورت اور اس کے پیٹ میں موجود بچے کی دیت دلوائی تھی۔
یہ حدیث طاؤس کے صاحبزادے نے اپنے والد کے حوالے سے نقل کی ہے۔