3120 ۔ حضرت ابوامامہ بن سہل (رض) اپنے والد کا یہ بیان نقل کرتے ہیں : بنوساعدہ کی ایک کنیز زنا کے نتیجہ میں حاملہ ہوگئی، جب اس نے بچے کو جنم دے دیا، تو اس سے پوچھا گیا : تمہارا بچہ کس کی اولاد ہے ؟ اس نے جواب دیا : فلں کی، وہ (ملزم) ایک نحیف اور کمزور شخص تھا، کمزوی کی وجہ سے اس کی جلد سانپ کی طرح تھی، اس سے اس بارے میں دریافت کیا گیا تو وہ بولا اس نے سچ کہا ہے وہ بچہ میری اولاد ہے ، یہ معاملہ نبی کریم (صلی اللہ علیہ وآلہ وسلم) کی خدمت میں پیش کیا گیا اور نبی کریم (صلی اللہ علیہ وآلہ وسلم) کو اس کی حالت کے بارے میں بتایا گیا کہ اسے مارا نہیں جاسکتا، تو نبی کریم (صلی اللہ علیہ وآلہ وسلم) نے ارشاد فرمایا اس کے لیے شاخیں لو، جس میں سو ٹہنیاں ہوں اور وہ ایک مرتبہ اسے ماردو تو لوگوں نے ایساہی کیا۔