3127 ۔ حضرت علی (رض) ارشاد فرماتے ہیں : جب کوئی شخص چوری کرے تو اس کا دایاں ہاتھ کاٹ دیا جائے ، اگر وہ دوبارہ چوری کرے تو اس کا بایاں پاؤں کاٹ دیا جائے اگر وہ پھر چوری کرے تو میں اسے قید کردوں گا، اور اس وقت تک قید رکھوں گا جب تک وہ ٹھیک نہیں ہوجاتا، مجھے اس بات سے اللہ سے حیاء آتی ہے کہ میں اس (چور) کو ایسی حالت میں کردوں کہ اس کا کوئی ہاتھ بھی نہ ہو، جس کے ذریعہ وہ کچھ کھاسکے یا استنجاء کرسکے، یا اس کا کوئی پاؤں نہ ہو جس کے ذریعہ وہ چل سکے۔