3143 ۔ عکرمہ بیان کرتے ہیں : حضرت علی (رض) نے مرتد ہونے والے کچھ لوگوں کو جلوادیا، اس بات کی اطلاع حضرت ابن عباس کو ملی تو انھوں نے فرمایا : میں ان لوگوں کو آگ میں نہ جلواتا، کیونکہ نبی کریم (صلی اللہ علیہ وآلہ وسلم) نے یہ بات ارشاد فرمائی ہے اللہ کے عذاب دینے کے طریقے کی طرح (یعنی آگ میں جلا کر) کسی کو عذاب (یعنی سزا) نہ دو۔
(حضرت ابن عباس (رض) نے فرمایا) میں ان لوگوں کو قتل کروا دیتا کیونکہ نبی کریم (صلی اللہ علیہ وآلہ وسلم) نے یہ بات ارشاد فرمائی ہے :
'' جو شخص اپنا دین (یعنی اسلام) تبدیل کرلے اسے قتل کردو ''
راوی بیان کرتے ہیں : اس بات کی اطلاع حضرت علی (رض) کو ملی تو انھوں نے فرمایا، ابن عباس (رض) کا ستیاناس ہو۔
یہ روایت ثابت ہے اور صحیح ہے۔