3150 ۔ حضرت سہل بن ابوحثمہ (رض) بیان کرتے ہیں : انصار کے کچھ افاد خیبر گئے وہاں ان میں سے ایک شخص قتل ہوگیا، یہ معاملہ نبی کریم (صلی اللہ علیہ وآلہ وسلم) کے سامنے پیش آگیا ، تو آپ نے فرمایا : تمہارے ثبوت (کہاں ہیں) انھوں نے عرض کی ہمارے پاس کوئی ثبوت نہیں ہے ، نبی کریم (صلی اللہ علیہ وآلہ وسلم) نے فرمایا، تو ان (یہودیوں کا) قسم اٹھانا (معاملہ ختم کردے گا) انھوں نے عرض کی پھر تو یہودی (ایک ایک کرکے ) ہمیں قتل کردیں گے ، نبی کریم (صلی اللہ علیہ وآلہ وسلم) نے فرمایا پھر تم قسم اٹھالو، انھوں نے عرض کی ہم وہاں موجود نہیں تھے ، راوی بیان کرتے ہیں نبی کریم (صلی اللہ علیہ وآلہ وسلم) کی خدمت میں جو مال آیا تھا، آپ نے اس میں سے اس (مقتول) کی دیت ادا کی۔