3168 ۔ حضرت عبداللہ بن عباس (رض) بیان کرتے ہیں : حضرت عمر بن خطاب (رض) نے لوگوں سے دریافت کیا : پیٹ میں موجود بچے (کو ضائع کرنے) کے بارے میں نبی کریم (صلی اللہ علیہ وآلہ وسلم) نے کیا فیصلہ دیا تھا، تو حضرت حمل بن مالک بن نابغہ انصاری کھڑے ہوئے انھوں نے بتایا میری دوبیویاں تھیں ان میں سے ایک نے دوسری کو لکڑی ماری اس نے وہ لکڑی اس کے سر میں ماری جس کے نتیجہ میں وہ دوسری عورت اور اس کے پیٹ میں موجود بچہ مرگئے، تو نبی کریم (صلی اللہ علیہ وآلہ وسلم) نے پیٹ میں موجود بچے کے بارے میں یہ فیصلہ دیا کہ اس کے تاوان میں ایک غلام یاکنیز ادا کیا جائے گا، اور عورت کے بدلے میں (قتل کرنے والی ) عورت کو قتل کردیا جائے گا۔
ایک روایت میں یہ الفاظ ہیں : حضرت عمر بن خطاب (رض) نے لوگوں سے دریافت کیا : پیٹ میں موجود بچے (کو ضائع کرنے) کے بارے میں نبی کریم (صلی اللہ علیہ وآلہ وسلم) نے کیا فیصلہ دیا تھا ؟ تو حضرت حمل بن مالک بن نابغہ انصاری کھڑے ہوئے انھوں نے تبایا میری دوبیویاں تھیں ان میں سے ایک نے دوسری کو لکڑی ماری اس نے وہ لکڑی اس کے سر میں ماری جس کے نتیجہ میں وہ دوسری عورت اور اس کے پیٹ میں موجود بچہ مرگئے، تو نبی کریم (صلی اللہ علیہ وآلہ وسلم) نے پیٹ میں موجود بچے کے بارے میں یہ فیصلہ دیا کہ اس کے تاوان میں ایک غلام یاکنیز ادا کیا جائے گا، اور عورت کے بدلے میں (قتل کرنے والی ) عورت کو قتل کردیا جائے گا۔
ابن جنید نامی راوی نے یہ الفاظ نقل کیے ہیں : حملہ بن مالک یاشاید حمل بن مالک کھڑے ہوئے (یعنی ان کے نام کے بارے میں راوی کو شک ہے ) ۔