3170 ۔ حضرت عبداللہ بن عباس (رض) بیان کرتے ہیں : حضرت عمر (رض) منبر پر کھڑے ہوئے اور فرمایا میں اس شخص کو اللہ کا واسطہ دیتاہوں جس نے پیٹ میں موجود بچے (کو قتل کیے جانے) کے بارے میں نبی کریم (صلی اللہ علیہ وآلہ وسلم) کا فیصلہ سنا ہے ، ،، تو حضرت حمل بن مالک بن نابغہ ہذلی کھڑے ہوئے اور بولے : اے امیرالمومنین ! میں دوعورتوں (یعنی دوسوکنوں) کے درمیان تھا، ان میں سے ایک دوسری کو لکڑی مار کر اس دوسری عورت اور اس کے پیٹ میں موجود بچے کو قتل کردیا، تو نبی کریم نے پیٹ میں موجود بچے کی (دیت) ایک غلام یاکنیز کی ادائیگی کا فیصلہ دیا۔ تو حضرت عمر (رض) نے کہا اللہ اکبراگرہم یہ حدیث نہ سنتے تو مختلف فیصلہ دیتے۔
طاؤس کے صاحبزادے اپنے والد کے حوالے سے یہ بات نقل کرتے ہیں : حضرت عمر (رض) نے مشورہ طلب کیا (اس کے بعد حسب سابق حدیث ہے جس میں یہ الفاظ ہیں) نبی کریم (صلی اللہ علیہ وآلہ وسلم) نے عورت کی دیت ادا کرنے کا حکم دیا، اور پیٹ میں موجود بچے کے تاوانے طور پر غلام یاکنیز یا گھوڑے کی ادائیگی کا حکم دیا۔