3187 ۔ حضرت جابر (رض) بیان کرتے ہیں : ایک خاتون نبی کریم (صلی اللہ علیہ وآلہ وسلم) کی خدمت میں حاضر ہوئی اس نے عرض کی : میں نے زنا کا ارتکاب کیا ہے ، آپ مجھ پر حد جاری کریں، نبی کریم (صلی اللہ علیہ وآلہ وسلم) نے فرمایا تم جاؤ اور اس وقت آنا جب تمہارا بچہ دودھ پینا چھوڑ دے جب اس عورت کے بچے نے دودھ پیناچھوڑ دیا، تو وہ عورت نبی کریم (صلی اللہ علیہ وآلہ وسلم) کی خدمت میں حاضر ہوئی اور عرض کی میں نے زنا کا ارتکاب کیا تھا، آپ مجھ پر حد جاری کردیں، نبی کریم (صلی اللہ علیہ وآلہ وسلم) نے فرمایا کوئی ایسا شخص لے کر آؤ جو تمہارے بچے کا کفیل بن سکے تو ایک شخص کھڑا ہوا اس نے عرض کی یارسول اللہ میں اس کے بچے کا کفیل بنتاہوں تو نبی کریم نے اس عورت کو سنگسار کروادیا۔