3192 ۔ شعبی بیان کرتے ہیں : حضرت علی (رض) کے سامنے، شرحہ ہمدانیہ، (نامی عورت) کو لایا گیا جس نے زنا کا ارتکاب کیا تھا، تو حضرت علی (رض) نے اسے واپس بھیج دیا کہ وہ پہلے بچے کو جنم دے جب اس عورت نے بچے کو جنم دیا تو ضڑت علی (رض) نے فرمایا اس کی سب سے قریبی رشتہ دار خاتون کو میرے پاس لاؤ، پھر حضرت علی (رض) نے اس عورت کا بچہ اس خاتون کودے دیا، اس عورت کو پہلے کورے لگوائے پھر سنگسار کروایا اور فرمایا میں نے اللہ کی کتاب کے حکم کے تحت اسے کوڑے لگوائے ہیں اور سنت کے حکم کے تحت اسے سنگسار کیا ہے۔ پھر حضڑت علی (رض) نے فرمایا جو عورت ناجائز بچے کو جنم دے یا اعتراف کرلے تو اسے پہلے امام پتھر مارے گا، پھر دوسرے لوگ پتھر ماریں گے لیکن جس عورت کا جرم گواہوں کے ذریعہ ثابت ہو اسے پہلے گواہ پتھر ماریں گے پھر دوسرے لوگ پتھر ماریں گے۔