3201 ۔ عمرو بن شعیب اپنے والد کے حوالے س ے اپنے دادا کا یہ بیان نقل کرتے ہیں : نبی کریم (صلی اللہ علیہ وآلہ وسلم) نے ایک سو اونٹوں (کی ادائیگی کو جان کی) دیت مقرر کیا ہے۔
راوی بیان کرتے ہیں : آپ نے ہراونٹ کی قیمت اسی درہم مقرر کی تو دیت کی مجموعی رقم آٹھ ہزار درہم ہوئی، جب کہ نبی کریم (صلی اللہ علیہ وآلہ وسلم) نے اہل کتاب کی دیت مسلمان کی دیت کا نصف مقرر کی۔
نبی کریم (صلی اللہ علیہ وآلہ وسلم) کے زمانہ اقدس میں اور حضرت ابوبکر (رض) کے عہد خلافت میں یہی رقم رہی، حضرت عمر (رض) کے عہد خلافت میں اونٹ مہنگے ہوگئے تو حضرت عمر (رض) نے ان کی قیمت ایک سوبیس درہم (فی اونٹ) مقرر کی تو دیت کی رقم بارہ ہزار درہم ہوگئی، حضرت عمر (رض) نے اہل کتاب کی وہی دیت رہنے دی جو پہلے تھی انھوں نے مجوسی کی دیت بھی آٹھ سو درہم مقرر کردی۔