3224 ۔ حضرت عصمہ بن مالک (رض) بیان کرتے ہیں : نبی کریم (صلی اللہ علیہ وآلہ وسلم) کے زمانہ اقدس میں ایک غلام نے چوری کی اس کا مقدمہ نبی کریم (صلی اللہ علیہ وآلہ وسلم) کے سامنے پیش کیا گیا تو نبی کریم (صلی اللہ علیہ وآلہ وسلم) نے اسے معاف کردیا، پھر اس کا مقدمہ دوسری مرتبہ نبی کریم (صلی اللہ علیہ وآلہ وسلم) کے سامنے پیش کیا گیا کہ اس نے چوری کی ہے تو نبی کریم (صلی اللہ علیہ وآلہ وسلم) نے پھرا سے معاف کردیا، پھر اس کا مقدمہ تیسری بار پیش کیا گیا تو آپ نے پھرا سے معاف کردیا، پھرچوتھی مرتبہ آپ کے سامنے مقدمہ پیش کیا گیا کہ اس نے چوری کی ہے ؟ تو نبی کریم نے پھرا سے معاف کردیا۔ پھر جب پانچویں مرتبہ اس کے چوری کرنے کا مقدمہ پیش ہوا تو نبی کریم (صلی اللہ علیہ وآلہ وسلم) نے اس کا ایک ہاتھ کٹوادیا پھر جب چھٹی مرتبہ آپ کے سامنے پیش ہوا تو آپ (صلی اللہ علیہ وآلہ وسلم) نے اس کا ایک پاؤں کٹوادیا، پھر جب ساتویں مرتبہ آپ کے سامنے مقدمہ پیش ہوا تو آپ نے اس کا دوسراہاتھ کٹوادیا، جب آٹھویں مرتبہ مقدمہ پیش ہوا تو آپ نے اس کا دوسراپاؤں کٹوادیا۔
راوی بیان کرتے ہیں : نبی کریم (صلی اللہ علیہ وآلہ وسلم) نے ارشاد فرمایا، یہ ان چار (مرتبہ معاف کرنے ) کے بدلے چار (مرتبہ سزادے دی گئی۔