3226 ۔ حضرت ابن عباس (رض) بیان کرتے ہیں : حضرت علی (رض) کا گزرفلاں قبیلہ کی پاگل عورت کے پاس سے ہوا جس نے زنا کا ارتکاب کیا تھا اور حضرت عمر (رض) نے اسے سنگسار کرنے کا حکم دے دیا تھا حضرت علی (رض) اسے لے کر واپس آئے اور حضرت عمر (رض) سے کہا : کیا آپ کو یاد نہیں ہے نبی کریم (صلی اللہ علیہ وآلہ وسلم) نے ارشاد فرمایا تھا :
'' تین طرح کے لوگوں سے قلم اٹھالیا گیا ہے ، ایساپاگل جس کی عقل مغلوب ہوچکی ہو، سویا ہواشخص جب تک وہ بیدار نہ ہوجائے اور بچہ جب تک وہ بالغ نہ ہوجائے۔
تو حضرت عمر (رض) نے فرمایا : آپ؛ نے ٹھیک کہا ہے پھر حضرت عمر (رض) نے اس عورت کو چھوڑ دیا۔