3269 ۔ حرام بن محیصہ اپنے والد کے حوالے سے نقل کرتے ہیں : حضرت براء بن عازب (رض) کی ایک اونٹنی کسی کے باغ میں داخل ہوئی اور وہاں کچھ چیزوں کو نقصان پہنچایا، تو نبی کریم (صلی اللہ علیہ وآلہ وسلم) نے اس بارے میں یہ فیصلہ دیا اموال (یعنی زمین اور باغات) کی دن کے وقت حفاظت ان کے مالکان کے ذمے ہے اور جانوروں کی رات کے وقت حفاظت ان (جانوروں) کے مالکان کے ذمے ہے۔
وہیب اور ابومسعود زجاج نے معمر کے حوالے سے نقل کرنے میں کچھ اختلاف کیا ہے ، انھوں نے اسے ان کے والد کے حوالے سے منقول ذکر نہیں کیا۔